[مشتاك أني ألك ولك حيل مشتاك
تعال ألحك عليه وطفي ألي ناري
لك هم تدري بيه أصار ما صار
هم تسأل علي هم تعرف أخباري
ميت بفركاك صدك وحياني الشوك
خلص دمع العين وجفت أنهاري
أحجي ويه روحي وتخيلك وياي
وكولك مشتاك وسمع هاي اسراري
أحبك وحبك وحبك وحب طرواك
وحب كلشي بيه يحبك حته أصراري
أحاول كمت أمثل جني ما زعلان
لجن تمثيلي وجب عليه وصار أجباري
ما أدري صدك شسوي أني وياك
صرت قباني ألك وعايف أشعاري