زنجيل (((((((هايم انة)))))

المساهمات : 10 تاريخ التسجيل : 11/02/2008

لانك تدري بيه هايم انة
تريد تكلي ونك هايم انة
تخون اشلون احذرك هاي امانة

تخون اشلون تكدر منتحبة
ويضل وي همة دايخ منتحبة
ولك والله يحبك منتحبة

ولجلك باع كلبة وانتحر بي
وصرت معكتي انتة وانتحربي
صحيح الكلب كلبك وانتحربي

وانة اترجاك كلبك ما تحس بيه
ودليلي وياك خلص ماتحس بيه
وصرت بهواك احسب ماتحس بيه

احسب واجمع بهمك واحسبه
والك بالروح الف حسبة وحسبه
غرامك سكن دلالي واحسبه

احس بعضاي يسري ويروحي
ويضل يلجمني دومة ويروحي
الجسم ميت اواكف وان يروحي

الجسم يحييى يلسمر من تمربيه
ويطيع الامر لجلك من تمر بيه
ولو جيتك عذابي منتة مر بيه

مر انتة بمحبتك منتشاري
لانك دوم بايع منتشاري
صرت شيطاني انتة منتشاري

لان ابليس منك اخذ فنة
وهمك كل جروحي سولفنة
وفنة الي يمرك والله فنة

لانك بالحسن يسمر مصيبة
وسهامك دوم وي روحي مصيبة
نهر سمك بنص كلبي مصيبة

تسمم كلمن يمرك يمسك
ويصوم الي نظر شخصك يمسك
تمسي اشبيك مو كلبي يمسك

مساء الخير ما تعرف يشيطان
وعيوني بشوفتك يسمر يشيطان
جروف الروح عطشانة يشيطان

ورغم كل مكرك انتة هم انة اهواك
وصرت وياك نسمة هم انة اهواك
واذا بس فرحي تهوى هم انة اهواك

هويتك غصب عني موش ارادة
وردت كل ضيمك انة موش رادة
ردت اهرب واعوفك موشرادة

ردت ابعد واهجرك ما صحالي
وينادي الفرح للكل ما صحالي
عجيبة شمالة دهري ما صحالي

يجيني بغيم كل وكتة وشتالي
وعجيبة يموت كل زرعي وشتالي
ورغم نمامة الي هواية وشتالي

ابد ما صدكت عنك ما يكولون
وجثيرة انذال بكليبي يكولون
هواي احزان وافراحك يكلون

لجني اهواك لو كلك اذية

ابو الطيبة علي البزوني

المساهمات : 22 تاريخ التسجيل : 24/11/2007

الله الله .... عاشت الانامل
صياغه .... رائعه
واحساس ... اروع
تحياتي وتقبل مروري

جواد الساعدي

موضوع: تواصل الأربعاء فبراير 13, 2008 1:01 am

تواصل ببوحك فبوحك جميل
مع حبي

المساهمات : 10 تاريخ التسجيل : 25/11/2007

ابدعت ..صياغه جميله ..يارئع..تقبل مروري
واتمنى لاك الموفقيه..والتواصل معنا..
تحياتي ..محمد ابو العز