جف اوداع
توادعنه
وخذت جفي اويه جفك
بالموادع ذاك
لا انته اجيت
ولا جبت جفي الاخذته وياك
بعدك ما لكَيت بلون كَلبي
كَلوب
احبهه
ولا لكَيت اولام عيني..انساك
تدفعني السوالف...ليك حد الشوكَ
واشتاكَيت كلي لكل خيالك ذاك
يل عايف حلاة اسوافك بذني
وما خذ كل حلاتي..وياك
دليني اعله عين
اتوجد طيوفك
ودليني اعله سجه طيف بيهه الكَاك
ما اريدن اكَابل عينك من ابعيد
ومن ابعيد
انزع كل ضوه عيوني واكَلك هاك
توادعنه
وخذت جفي ويه جفك بالموادع ذاك
كَلي
شلون وانا بلايه جف
من ترجع
اتلكَاك