فك باب الفـــــــــرج وينك يمفتاح
نبقه اليـــــــاوكت صفنة مساجين
امس ذبحو فرحنه كبال العيــــون
وصــرنه ادموع بعيون المساكين
السواجي اذبحت دفنـوهه بسكوت
ومشه بطوله النهر بس للسلاطين
عطاشه انـــــام بس مانكدر انكول
وشربنه ادموعنه من شفت العين
اخدود الكاع كلهه انزرعت ارماح
خـــــافو لا يخضر راس الحسين
تعال وشوفنه كل احـــــــنه بهـلول
على هارون نتظاهر مجـــــــــانين
صليب السان بعض الناس ياحيف
وعيسى انصير بس انغمض العين
اهوي من الفتن نشروهه الاجناب
وعلينه اردود ردت فتن صـــــفين
كبر طـــول اليباس وشاخ عالكاع
وبقه بجفوفه يذبـــــــح بالبساتين
اشوكت نفرح بجيتك يالهوه الهاب
مر بينه بعجل خنكتنه الســـــــنين
اشوكت يلتم شملنه بــــلا خلافات
وتحل المشكله هــزت الفنــــاجين
لان لمن تجــــــي مايبقه طاغوت
يريـــــــد بحبل كـفره يشبك الديـن
عدنه ايمان بيك اتــــــرجع الفات
ونأمن بيك تكــــــــدر تحيي ميتين
تفرج وان ضاقت ماتضل هيــــج
بضهورك تنكطع روس الثعابـــــين
الرئيسية 
أحدث الصور 
التسجيل 
دخول 
الأربعاء نوفمبر 28, 2007 2:26 pm
