@أبــــــوذيـــــات@@
¤¤¤¤¤¤¤¤¤¤¤¤¤¤
*************
1/ وين الله ودليلي أليوم.ينساك
أخلص يلفلا بلكون.....ينساك
ألذهب وياالصفر لويوم.ينساك
الذهب يطغي أعلى أبوأفعال الرديه
2/ جرح الروح لو وياك....يلتم
ويلزمك من صلات اليل.يلتم
لون العمرعودفوك العود.يلتم
أطشهن حدر رجلك واهليه
3/ بعد عيب أوگف أبابك..ولاطراك
حرام ألجان أدش دربك.ولاطراك
بعصه مايطگ ربك.....ولاطراك
تجيك ملبلبه بساعه البليه
4/ تظل قانون دوله أنته.وسنبيك
وكل شوفه لعد شخصك.وسنبيك
صرت منشار نعم أنته..وسنبيك
حته أتعلعل بروحي الطريه
5/ غدرك شگگ بصدري..ورافاه
وگلبك مايحن مره..ورافاه
موحته العدو حسلي..ورافاه
وأنته من الصخر أجلد عليه
_
6/ طفل ظليت بيدك ..واناعيدك وياما سنين مرت..واناعيدك
صرت عاشور عمري..واناعيدك
أضحك بيك وأنته تبچي بيه
7/ بلروح ولدلال گلت أعتنيلك
يل مجفي عن الروح بيش أندعيلك
8/ هنيالي بيك أشكثر هنيالي بيك أشگد
ومنين ابوسك حرت شوأنته كلك خد
9/ أدي لليوم تنزف..مرصيدك
لأن مره أنته صايد.مرصيدك
عليه أصرف دقيقه.مرصيدك
وأنا أعوضك أذا تصرف عليه
10/ أحبك گتله وأشر....بيدلاله
حلو كلش ولأحلى..بيدلاله
شفت القمر شايل..بيدلاله
بس النار موبلاله بيه
11/ صحت بصوت وعيونه..مدارات
جفوني ولا نفع بيهم..مدارات
ألنجوم أدور لأن عدها..مدارات
واناردتك مدار أتصير أليه
12/ شجاه أشعطله شلهاه..مايه
وشوفي من المعاين خلص..مايه
اأذا لشوي حبيبي أتعطل..ومايه
أنا قبل العصر يسرون بيه
13/ عشگتك عشگ دايم..ماهواني
وگلبك چنه عمدن...ماهواني
علي صرت أنا أدور..ماهواني
ظعت بلكت تجي أدور عليه
14/ شمس ماچنت فوگك..لاكفيلك
وصرت ماوفي هسه..لاكفيلك
أشتظن موصعبه أعوفك.لاكفيلك
أبوفاظل فلاتصعب عليه
15/ أنابگد شعر راسي....جايعاني
منه وعلي يضحك....جايعاني
أگظي العمر كله....جايعاني
أموت وماأگله ألحگ عليه
17/أنكشف شمس الكريم وبان....شمساك
حرت شنطي شبيعن شضم....شمساك
مو چنت الصبح وياي....شمساك
صرت ضدي وتشمت أعداي بيه
18/ عين بعين اشوفك حتى أرتاح
ومن ثغرك أبوسك عاده يوميه
تريدالناس أعيد وأنته ماموجود
أأجل العيد لمن تطرش أعليه
19/ أناالصياد صادتني..شبكتك
دخيل الله أشكثر حلوه.شبكتك
أدك أعليك مشغوله..شبكتك
أظن مغلق جهازك بس عليه
20/ لون صياد متصيدك....شبكتي
وصرت مأسور ذرعاني.....وشبكتي
أگلك ليش مشغوله....شبكتي
أتفكر بيك ومبدله عليه
21/ ألف ماگال محبوبي....ولاراء
وصبرت أيام بفراگك....
ولاراء
أشكثر لبيتله شروطه....
ولاراء
وشرط واحد بقا مالباه أليه
22/ بيه أحزان يمكن ماتلمها أجبال
وحتى أفراح عگبك صارت أحزاني
بس بلعيد أفرح مولأن العيد لأن أنته تجي وتحييني من ثاني
23/أخبرك گلب هايم عشگ...بسمر
ولحالي لوتريد أتشوف...بسمر
تلگه بكل عضومن عضاي...بسمر
نابت من أثر بعدك عليه
جد
24/ يجاملني حبيبي..ونسجمله
ودومه ينسجملي..ونسجمله
أسولف كلشي عندي..ونسجمله
بذكرهاأنسى ألحچيناهن سويه
25/ عشگ گلبي حبيبه عشگ مجنون
ومن ريح النسم لو هبت أيغار
وشلت أسم الحبيبه بگلبي مدري أشلون
من كيفه نطق بسمج يا.....
26/ ألجائز والمهان أنطبعن بدنياك
حديت الجمال وصرت أنته الحد
يبوس الشفه خدك عكس كل الناس
وبعين أليشوفك حتى رجلك خد
27/ وحگ ألخلق أدم...وديانه
عليك العقل هايم..وديانه
أحط شفتي على شفتك..وديانه
واچلب بيك لاخر نفس بيه
28/ أتنخه تريد أجيك اليوم.بالحال
وأنته اعرف حبيبي الروح.بالحال
شمحلهى وياك ماتقتنع.بالحال
أدليك الدرب وترد عليه
29/ترى الدني صفت مو دنيا.بعداك
لذت ياريت بالخوان.بعداك
أنامن أذكر الغربه وطول.بعداك
أبجي اليل ونجومه عليه
30/ نفس وحدات شمك.ياهوانا
العمر ذله بغيابك.ياهوانا
أتيه روحي يمك.ياهوانا
خيالك مره دلاني عليه
31/كال بشوك كال بشعر.صفنه
وجمالك بلشعرمحتاج.صفنه
ولوتجي وتصير.صفنه
صفر ينطونه وينطوك ميه
32/ باب الدار بجفوفي.لحني
وحنين النوك مايوصل.لحني
آناوخرت وسهامك.لحني
وسط كلبي وطبيبي أحتار بيه
33/ آناأتعلمت على الغدر.روحي
وروحي وين ماتردين.روحي
أذاطاب ألج هاذا الجسد.روحي
ماتلكين شي يرهم عليه
34/ أحشم لاعدوظل يمي.وخيلاي
ولانوك البعدتنفع.وخيلاي
بقيت مكابل الحايط.وخيلاي
وحس الناس كله اعداءاليه
35/ ابشرك لاأخوظل يمي.ولاصاح
وكمت ماميزالغلطه.ولاصاح
لاآنه ألصحت بسمه.ولاصاح
ولاهوأنتبه ويردأليه
36/ أهمن وليهم خسران.لاهم
وعليك من الصبرحفنات.لاهم ألحكني وشيل عني الظيم. لاهم
على الوسعه وشمت اعداي بيه
37/ حرت بيش اجمع اعيالي.ولمه
وعليه هاجت جروحي.ولمه
وحيده لاأبويمي.ولمه
وصارالشمريتأمرعليه
38/ شعجب مرسال منكم.مايلينه
بعدنه بدورأهلنه.مايلينه
عطشنه أنريدمنكم.مايلينه
نطفي ناركم ألبينه سريه
39/ عيني لانظربيهة.ولاشوف
ولاخل لنشدعني.ولاشاف
انه مفشك الرجي.ولاشوف
صفه بس الكشرمحصول اليه
40/ غصب أنزل دمع عيني.وسيله
لأن مالي على أوصالك .وسيله
تهاك أخذالكلب بيدك.وسيله
يخبرك بلجره منك عليه
41/ عيون القلب يوم جفاك.يدمن
عفتني وصافحت ياترف.يدمن
أنا المثلي علي الدمعات.يدمن
عسى أنسى هواك شعمل بيه
42/ من دمعي رعاة أرتوت.ونعاي
ومن ونتي أنحنه الصفصاف.ونعاي
يظل هذا ونيني عليك.ونعاي
لما يشاء القدر وتعود اليه
43/ وحك الي علي داست.خيلهم
أنكروني الجنت بالشده.خيلهم
ولاساعه علي ظلل .خيلهم
صفوهمه وبن ملجم عليه
44/ وحك المصطفى الهادي.ونسله
غيرك ماحله لكلبي.ونسله
ويظل دهري يعلعلني.ونسله
بذجرأيامنه الجانت زهيه
45/ يهل رايح لهلنه.سلمنه
أليالي بيد غربه.سلمنه
عنبنه وماجنينه.سلمنه
خسرنه العنب والسله سويه
46/ملاك المر عيونك.ترجمنه
لوصاله الناس رادت.ترجمنه
الوصف عنه شهد جنه بعرس بحنه ألكرب منه جذب ونه أنكليزي ومن جمالك.ترجمنه
غظب يمكن يخوتي على الوطيه
47/لوجلجل اليل حسباتي تجيني.وهم
وتذكرأيامي وسرح وي خيالي
.وهم
أحبابي ألي بعدو عني.وهم
بالجذب متكلفويوم أسئلو.عني
ولحمل يوم الثكل محدفزع.عني
ياروحي كافي قهر ياروحي بس.عني
ولو كال هي الشمس كال الشمس هم.وهم
48/مغيمه أليالي وحدت ولهل وكت ما.صحن
حظي وقسمتي غفن أنده وأبدما.صحن
بردت الشمس والهوا وثنينهن.ماصحن
وياي هيج الوكت مو حقي أتعب.وكل
ولكلوب ماتندرس شحو بعظهم.وكل
عينك تحطها بصحن وتكله أشبع.وكل
ياكل ومايشكرك ويرفس برجله.الصحن
49/أبي أفركجن أبي أدميجن.يراحاي
بسبب كل حين تلجمني.يراحاي
أنه كلمن يرى شخصي.يراحاي
وأنا ميت بسبب فركاك أليه
50/طلع دالع حبيبي اليوم.لابس
حرير ولايك أعلى أهواي.لابس
أبوس أخدوده أشم نهوده يكلي بعد أكله.لابس
يكلي شماتريد أبتصر بيه
51/مشغولين بيمن@ منشغلكم
ولوموشغلي هذا@من شغلكم
بعد ماأبجي ساعه@ومن شغلكم
أموتن راح وأحسمهه القظيه
52/بحور الكلب بودادك .لها فاي
وعليك يزود ماينكص .لهافاي
جنت ساتر على روحي
.لها في
شلت وإنشاف كل مستورإليه
53/ذبل هرش الكلب لجلك وخاوه*وطمع ماردت من عدكم وخاوه*الفخر مو للذي عاشر وخاوه* الفخروالطيب لليذكر خوية*
54/بدربك جاي لينه ولعاني وشدهني الوكت عنك ولعاني خويي افديك روحي ولعاني تسوه الروح يلذاتك وفيه
55/جبل والريح شامخ ماهوينه
كبل شخصك يولفي ماهوينه.
الجفن والعين تسأل ماهو وينه.
وجفاك شكد صعب واثر عليه.
56/الدهركسر أضلوعي وأطحناني@@وأخذ للغيرشوكي وطحناني@@متاني شوكت أعثروأطحناني@@حتى صفك وتضحك عليه
56/يدنيه زيديني بنارج وجيبي
وبعد هموم حمليني وجيبي
وسفه لوخلت أيدي وجيبي
انه الشامت والأخويضحك عليه
57/منك ماشفت رنة ولا فون لعبة ماشفت منك ولا فن . اشواكي وصلن البابك ولافن لانك دوم ما تسأل علية
58/الف مكتوب وديت وصلاك
بنزاع الموت وآنه أنتظر وصلاك
لسب امك وأبوك وهلك وصلك
لأن خلفو هيج أذية
60/أذن كلبي بسمك هاك آذانه
أموت وماأكلك هاك أذانه
طفل كلبي وتجاوزهاك أذانه
ألويه أرجوك خاف تعم عليه
61/مريض ولاجنح عندي ومركم
وطحت مابين امرالله ومركم
ويمته من المرض اخلص وأمركم
وأعتابي علي الصديج المامر عليه
62/يراميني الدهر مره وراميه
وأهيس بالكلب صارت وراميه
معذب من جنت جاهل وراميه
الدهر وانه طفل يطرد عليه
63/وصفنا ومارحل وصفك وصفنا ويلي عايش بقلبك وصفنا واتمنه انت بمدرستنا واصفنا ولو تاخذ صفر نطيك ميه
64/الدهرفرهدأهدوم العلي وعباي
وحملت هموم جماوضيم وعباي
جلب أهل الكهف من صحت وعباي
نبح وأهل الكهف فزعو عليه
65/الدهر مرات لمنه ومره ضعنه
رمه أبن امي وعليه مره ضعنه
أذكرت ثدي الطفوله مره ضعنه
وغدت بلكلب لوعاتي خفيه
66/امي بزغري توعضني وعضها
وكولن هم اجازيها وعضها
أذكرت من جنت ألوعها وعضها
أذكرتها وشبت النيران بيه
67/أعله دربك جنت أوكف أومي أنا
ونطب البيت نضحك أومي أنه
تباري ألام لبنها أومي أنه
شجاها أتحيل بلوادم عليه
68/أنه ادري عكب عيني ماله امي
واحد ويتكاثر ماله امي
أخوي أوكطع بيه ماله امي
ابعدتني ولا بعد تنشد عليه
69/قرارة شقرر بعمري وأشفتة
كتلني بنضرت عيونة وأشفتة
وعلية كدار كدرتة وأشفتة
طلع لايك لي وراهم علية.
70/عكب عينك بعد شنظر شراني
وعلى حبل ألصبرليلك شراني بعت روحي برخص محد شراني
ولاواحد جهب عامل عليه
71/بزرع أهمومه كلبي.توجاني
وكتي بتاج حزني.وتوجاني
جنت بعسر ردته.وتوجاني
وفوك الظيم أجه يعتب عليه
72/لساني أكبال حلو الطول.لكلك
وحذرك لاتكلي أنوب.لكلك
ألغيرك مايصير الكلب.لكلك
لأن أنته شراكه وياي بيه
73/ألواعظ تاه فكره وحار.بعظاي
بودادك كام بعظي أيحسد.بعظاي
مدار الماي دار أهواك.بعظاي
ألك كل الجسم ولرسم ليه
74/ألجسم أنحل وذاب.وسله منك
ويكلبي أهمومي للون.سلمنك
شتظن هم بعد أريدن.سله منك
ألعنب راح شتفيد ألسله أليه
75/بعالي الصوت أصيح إعليك بستان/وأظن مو خوخ خدك طلع بستان /ورده أنته جميله بوسط بستان /والبستان شالك مزهريه §
77/يصاحب هاك اخذروحي وردهه؟ وذبل بجفاك لوتدري وردهه؟ الجلمه توصل الساني وردهه؟خجل موخوف خله الشوك بيه
78/هاك الكلب بيدك حيل طحنه
أمس فوك النخل واليوم طحنه
شبدينه وبالهوى ياناس طحنه
غشيمه كلوبنه تهوى الاذية
80/من مثلي صبر للظيم ماهم
وجثير اصحاب وين اصبحوا ماهم شما يثكل عليه المرض ماهم
اهم بفراكم يصعب عليه@
81/كلبي اللجان الك مسكن ولكدار
بجفاك الحزن شل حاله ولكدار
الوكت دولاب مل مني ولكدار
وأنت والوكت صرتوا عليه
82/غرامك ما نصفني أبد ويميل
ودليلي لا تضن ينساك ويمل
ألك موقع بنص القلب ويميل
وحششلك عساك تحن علية_
83/حبيبي لا تظن الوكت سرنا.. هجرنا اديارنا وللغرب سرنا..وحياتك ماظهرللناس سرنا .. بس حبي لك فضحني وعم عليه.
84/امغيم دوم وجهك ماصحالي
أنمردكلبي وظميرك ماصحالي
ردت وياك اعاشر وما صح الي
شيظرك من تحط ايدك بديه
85/ألحلاة ألبيك يسمر من تمرنه
شيصير أعليك تخسر من تمرنه
أنته بس أمر يصاحب من تمرنه
ألأمر إمرك وأنه ألطاعه ليه_
86/احس هزني عليك الشوك ياصاح/وما ادري زعلنا غلط ياصاح/صوتك بالشدايد علي ياصاح/اجيك امحزم ابروحي الأبيه
87/اتلعثم من اشوفك وسطك انه ومنولوشوش بذانك وسطك انه تكلي وينك نته وسطك انه
تدور بالنبض تعثر عليه
88/تتطشرنه بعد شيفيد يالم..
وكلامك بلكلب ياخوي يالم..
شظمد والجرح كلساعة يالم..
بعد ساعة جذب تلحك علية...
الرئيسية 
أحدث الصور 
التسجيل 
دخول 
الخميس فبراير 21, 2008 6:56 am