أنه سألت مره شوكت تفرج
كالولي تفرج بفرحه ألزهره
وخفت لا صبري يخلص بيوم
وأني شاب ورويحتي خضره
يا وطن مل مني حته الموت
وألعيشه بلا أسم مرفوع مره
يا عراقي صرت طوبه للأخبار
وأسم بغداد تياتل لكل نشره
لو تكول زمان الراح وله وراح
كولي أليوم أنهدم وبيدنه نعمره
كاعد بالكهاوي من الصبح لليل
ومحتار بالسياسه والشيشه والجمره
يمعودين عوفو ألسياسه للسياسه
وأسكت هسه والصم وتعلم ألعبره
عليك بنفسك وأحترمه هالايام
ضالي بس هاي حلوه هاي سمره
يمرني طيفك يا وطن مرراات
وسألني عليه بحزن فد مره
بجيت وصرت منه حيل خجلان
كتله من دهوك أني لا من ألبصره
أني أبن ألعراق وحالف ما اخونك
وشعبك أحنه بكل وكت متحضره
لأاي موقف شرف وانته تدري
ما نبيعك ولعودتك كله منتظره
وبغداد ردو أهلج من ألسفر
وألورود البشوارع صبحت ومبشره
تكول صباح ألخير__ يا بغداد
وخرت ألشعارت وخليته مططشره
رجع حب ألتسامح والطفل فرحان
وبيده نحت أسم بغداد بالصخره
الرئيسية 
أحدث الصور 
التسجيل 
دخول 
الأربعاء فبراير 20, 2008 4:02 am
