اخوي الجنت اظنه وخابت الظنه بعد لاكول أخوي ولا اعرفنة
طالج بالثلاثة وخوتك ماريد لا ابن عمك آنه ولنته ابن عمنه
اشكثر هدات هديت ابمحنته وياه جنت احزام ظهره بساعة المحنة
مامليت يوم ولاكلت تعبان زحمة وماكو داعي بهاي اذ كرنة
لاحاسبها منّة ولاقضية دين عربي اود منه واحد جنت اشوفنة
حسّبت من الغزاني اتلكة الطعنات مومنك منك حسّبت اتلكة الطعنة
عالظاهر بنيت وماعرفت البيه ماوضحلي حقدة وحتى امّيزنة
يانكبة وطنه بشعبك ابن حسين رد طيب العراق وخوش ردّا انه
كيفنه على حفلك بالفضائيات واهس صار عدنه وصدك كيفنه
كصّينة الخبر وعرفنة من عمان تنزّف التهاني الوالد البنّه
عفيه عّل البطل يستاهل التتويج عفيه وكمت افاخر هذا يسعدنة
اكيد الملحمة الفّجرها باسرائيل ترفع روسنه وينتعش واهسنة
بالتفكير اثاري اتبينت وهمان رحت ابعيد ماحسبته ينهشنه
ماندري بحفلكم والعرس والعيد اثاري الكارثة الحلت امس عدنه
يمن غمهم هلك وبهاي محتفلين وك هذا العراق امكيف ابدمنه
من كلكم نذر ترحون للفيحاء ياما وياما خايب لذتو ابسدنه
فرصة ولاحتكم واحنه مشغولين لن وضع النعيشة امضبضب وفتنة
ياذيب الغدر يالبلغدر معروف اهو لو ماظرفنه اشحدك اتمسنه
خلها امدثرة لانكشف المستور ندري الهزك انته هلالنه وعزنه
وندري اتلثمت وبليل من طبيت لاقصدك شهادة ولاقصد جنة
مهو ذاك اليهودي ابيتكم سكران لاهزك ضمير ولافعل شفنه
امس عمانكم من حشمت بعراك خوشفتونة كبل صياحكم طحنة
لاهمنه اليصير ولايهمنه الموت زحنه الموت بيد وبيد صفكّنه
الرئيسية 
أحدث الصور 
التسجيل 
دخول 
الثلاثاء يناير 22, 2008 12:48 pm
