لسمك ياعراق الروح فدوه تروح
منكول حروف اسمك ينخمش كلبي
اظل لاخر نفس ولساني يلهج بيك
ونزف شوك الك من هامتي الجعبي
ابوي انته ويظل مرفوع راسك دوم
وانه بصايتك ياعـــــــــراق متـــــربي
مجنون بهواك وعيني تبقه عليك
وانه بنص حلب وعيوني الك تــــربي
يا اول درب مصياده للعشاك
وانه ادريك فخ وما عت دربــــــــــــي
خارطتك وشم دكيتها عالروح
وبدم النحر خطيت اسم شــــــعبي
الباعد نذل والخانك بلا دين
وانه ويه الباع كاعك اعلنت حـــربي
بعيوني الوطن من زاخو حد الفاو
عين البيها كردي وعــــــين للعـــــربي
ما اتبره منك وحك رب الكون
وذا اتبره منك اشــــــــرك بربـــــــــي
وذا حلت قيامه وانه كلي ذنوب
يحظرني العراق وينــــــــغفر ذنـــبي
الرئيسية 
أحدث الصور 
التسجيل 
دخول 
الأحد يناير 20, 2008 8:53 pm
