الشاعر ليث النعيمي
المساهمات : 11 تاريخ التسجيل : 27/12/2007
| موضوع: اني الفخــــــــــــــــــــــــــــــر ... الى .. كل .. من الخميس ديسمبر 27, 2007 10:55 am | |
|
الى كل الشعراء .. تحية محبه واحترام
اخوكم الصغير
ليث محمد النعيمي ..
عضو اتحاد الادباء الشعبيين فرع الانبار
.................................................. .........
حز روحي حز سيف الجرح ... حيل الجرح ياذيني
بس الحمد ل الله شكثر ... عندي الخلك ينطيني
ناعور طك خشم النهر ... صبري وبقه ايرويني
رغم الرح وسط الكلب ........
بس ما ملت بسنيني
وشكد عليه ذرو .. ملح
والكه الصبر ... يشفيني
حبلة اعيوني بهلدمع
بس فنه اليبجيني
***
اقسم قسم ما انحني ..
شامخ اضل مثل الجبل
ما تكدر ايامي علي
ما ضل بعد بيه خجل
ادخل وسط عين السبع
انهي الوكت لو ما عدل
اني الاصل واني الفخر
واني الغضب واني الاجل
واني القوافي الما دنت
لجل الفلس تكتب دجل
واليسئل اشلون اكدرت
عالهلوكت ليه ما سئل ........................ ( له ما سئل )
هوه الكدر يمشي زحف
هم ترتجي ايذله الشلل
***
وبين الحصل والما حصل
من عاينت مامش كمر
كت لازم اعلك هالنجم
واطبع على الماي الاثر
واحيي المجد واصلي المجد
انه المجدد للفخر
انه ابن حمزه الما برد
وتردد ابدينه وكفر
انه المبلل من كبل
ما اخاف اذن من المطر
جبت العمر .. شجرة صبر
بس عركي مو مثل الشجر
عركي اللزم كاعي وسند
ضل يمشي طك ضلع الصخر
لا رجه عودي من الوكت
واستسلم لضربة طبر
لا مال غصني وعرضت
عش البلابل للخطر
وانه البحر ...
لمن حجوا
من يفهم اسرار البحر
بركان اجس .. بيه الغضب
يا بويه لو ساعه انفجر
اصبح جهنم للحجوا
واصرخ الى اين المفر
اصبح جهنم للحجوا
واصرخ
الى اين
المــــــــــــــفر
.............................
محبتي للجميع | |
|
الاعلامي عدي المختار
المساهمات : 105 تاريخ التسجيل : 03/11/2007 الموقع : هواجس
| موضوع: ليث البوح الجمعة ديسمبر 28, 2007 1:53 am | |
| شعرك يمتاز بالانفاع والحيوية والهمه جودك وفير انت جميل ياليث مع حبي | |
|
الشاعر ليث النعيمي
المساهمات : 11 تاريخ التسجيل : 27/12/2007
| موضوع: رد: اني الفخــــــــــــــــــــــــــــــر ... الى .. كل .. من الإثنين يناير 21, 2008 9:44 am | |
| - الاعلامي عدي المختار كتب:
- شعرك يمتاز بالانفاع والحيوية والهمه
جودك وفير انت جميل ياليث مع حبي ............................... الاخ عدي المختار شكرا لكرم مرورك وردك ما ننحرم تحياتي ليث | |
|