[i]اصبر ياعراق
ﮔلي لياوكت نبقه نعيش الــــــموت كل شارع جنازة وكل ركن مــيتم
وياصبح اليمرنا وبيه نشوف الخير مو حته الالم من ظيمنا تألــــــــــم
ﮔلي ياعراق لياوكت تنضـــــــــام خلصنا حلم من كثر مانحلـــــــــــم
صاحبنا المنايا وصادقينا الـــموت علمناه صبر من عدنه يتــــــــــعلم
علمنا الليالي عالسهر و الظــــــيم علمنا الهموم شلون تحمل هــــــــم
وتعلمنا العجيبة مو يموت انـــسان تره الاعجب بعد الانسان من يسلم
***********
اصبرياعراق وادري حيل هواي صبرت ومالكيت اليرحم بصبرك
اذا جاهل يموت وصاحوا ششايف هو انته العراق ششايف بعمرك؟؟؟
من كثر اللي ماتوا تيه الدفــــــــان حته انته متت مـــحد عرف كبرك
شفت ظيم وظلايم وادري كل البيك مدري شلون صابر مايطك صدرك
واصبر ياعراق وانته اسمك لـــيل تجي كل الشموس وماتفك ســـــترك
واصبر ياعراق وانته اسود ذيب كل ضنها الارانب تكدر تكسرك؟؟!!