قصيده للشاعر/فرحان علوان
( الى الحبيب الغائب )
تعال انسه المضه ونسه الكلت والكال
يا اول حبيب لدربي دلاني
اذا ناسي عشرتي ماكو كل اشكال
بس ميصير كلي بيوم تنساني
يالعلبال دومك رافكاك البال
حتى البال اجاك وانه خلاني
ادور مخيلاتي والهجر جتال
من اذكر اتيه حتى عنواني
انه انته بوجودك ونته بالدلال
اذا ما تنوجد ماكول هذا اني
يال كلك لطافه ومضرب الامثال
شمتاني بعد عالوصل شمتاني
شابكني هواك وهذا صوت الحال
يصرخ والصراخ معجز لساني
الدنيه هاي ما بيهه هوانه
تعال ونسعد بطيبة هوانه
انه انت صرت وانت هوانه
اذا انه الك ونته اليه
حتى اسمي امقيده بصفحة الاحوال
كلب بالسجل وياك تلكاني
توالمنه اعله كلشي والصدك ينكال
بس صفي النيه وكلشي لتعاني
صنف الدم يغاتي بالبريه اشكال
وصنفنه صنف واحد طابق الثاني
ومرات انه ادخن وحترك بالحال
بس صدك بخور يصير دخان
الورد وسط الغصن بس بالهوه ميال
حتى ابميلته بي عطر رباني
ونت ابميلتك سيف وتظل جتال
جنك عاليودك صرت عدواني