ليش انتـــه بمشيتك تختلف عالناس
مته ســـــــــر مشيتك للوادم تبوحه
عزف نكلت اجدامك مــن تطح بالكاع
وكل عيـــن التشوفك تبقه مشبوحه
تعجبنه لان مـــــــــو ماصخ بممشاك
وجـــــــي ربنا اعله طينك ناثر ملوحه
يبو طول النخل عثكك كبـــــــر بالعين
يمته تحــــــــن علينه وعثكك انلوحه
كريم الكل تعرفك جا رضيت شلـــون
تبقه اسلالنه اعله الكاع مطــــروحه
بجرف شاطي الجمال وتغرك الحلوين
وثبت بحر الحسن بس انته سابوحه
اذا حته الفراش يدك صـــــــــور وياك
اذن حقه الورد من يدفن بروحــــــــه
ولان ماكو بجمالك تلعب انته ويـــــاه
الك نزلت اخيوط الشمس مرجــوحه
شفاف وزعل لو مــــــر عليك اتصير
مثل كطرة ندة اعله الشوك مذبوحه
محمد ابو العز